Niðurstöður ársfundar Frjálsa

Ársfundur Frjálsa lífeyrissjóðsins var haldinn í höfuðstöðvum Arion banka 23. maí sl. en sjóðfélagar gátu einnig fylgst með fundinum í gegnum beint streymi.

Á fundinum var kynnt skýrsla stjórnar, ársreikningur sjóðsins, niðurstöður tryggingafræðilegrar athugunar og fjárfestingarstefna. Jafnframt voru tillögur um breytingar á samþykktum sjóðsins lagðar fram og samþykktar, auk þess sem tillögur um stjórnarlaun og endurskoðanda voru samþykktar.

Í fyrsta sinn fór fram rafræn kosning í stjórn sem stóð í viku fyrir ársfund en auk þess gátu sjóðfélagar, sem ekki kusu rafrænt, kosið skriflega á ársfundinum sjálfum.

Kosning stjórnarmanna

Á fundinum var kosið um þrjá stjórnarmenn í aðalstjórn til þriggja ára en þrír varamenn voru sjálfkjörnir.

Frambjóðendur sem hlutu kosningu í aðalstjórn

• Elías Jónatansson
• Elín Þórðardóttir
• Jón Guðni Kristjánsson

Frambjóðendur sem voru sjálfkjörnir í varastjórn

• Haraldur Pálsson
• Lilja Bjarnadóttir
• Sigurður H. Ingimarsson

Gögn ársfundar.