FréttirFrettirTrueFalseFalseFalse/forsida/um-sjodinn/frettir/Um sjóðinnUm-sjodinnTrueFalseFalseFalse/forsida/um-sjodinn/
Um sjóðinn

22.01.2018 18:02

Gjaldþrot United Silicon hefur engin frekari áhrif á afkomu og ávöxtun Frjálsa lífeyrissjóðsins

Stjórn United Silicon hefur óskað eftir að félagið verði tekið til gjaldþrotaskipta en félagið hefur verið í greiðslustöðvun frá því um miðjan ágúst 2017. Gjaldþrotið hefur engin frekari áhrif á afkomu og ávöxtun fjárfestingarleiða Frjálsa lífeyrissjóðsins. Í september sl. niðurfærði sjóðurinn fjárfestingu Frjálsa 1, Frjálsa 2 og tryggingadeildar í fyrirtækinu í formi hlutafjár og skuldabréfa að fullu. Þess ber að geta að Frjálsi lífeyrissjóðurinn hefur ekki borið neinn kostnað af rekstri United Silicon eftir að félagið fór í greiðslustöðvun og er ekki kröfuhafi þess.

Frjálsa lífeyrissjóðnum þykir miður að áætlanir varðandi fjárfestingu sjóðsins sem tengist félaginu United Silicon skuli ekki hafa gengið eftir en fjárfestingin nam rúmlega hálfu prósenti af heildareignum sjóðsins. Sjóðurinn hefur birt greinagerð um aðkomu sína að fjárfestingunni og fjárhagsleg áhrif hennar. Þrátt fyrir niðurfærsluna var ávöxtun Frjálsa 1 og Frjálsa 2 mjög góð á árinu 2017, eða 6,9% og 6,5%. Nánari upplýsingar um ávöxtun sjóðsins má finna hér.

Eins og sjóðurinn hefur upplýst um í frétt á vefsíðu sinni þá mun sjóðurinn gæta réttar síns og sjóðfélaga eins og kostur er. Í ljósi þeirrar rannsóknar, sem efnt var til eftir að greiðslustöðvun var tilkynnt, óskaði Frjálsi lífeyrissjóðurinn, ásamt öðrum lífeyrissjóðum, eftir óháðu lögfræðiáliti um stöðu sjóðanna gagnvart fjárfestingum tengdum United Silicon. Þar verður skorið úr um til hvaða aðgerða sjóðirnir geti gripið til að verja hagsmuni sjóðfélaga.

Til baka


25.09.2017 16:57

Sjóðfélagayfirlit

07.07.2017 15:07

Hækkun mótframlags

03.04.2017 10:28

Yfirlit sjóðfélaga

10.10.2016 14:51

Yfirlit sjóðfélaga

09.10.2014 11:24

Frjalsi.is - nýtt lén

17.09.2014 13:37

Lánareglur rýmkaðar

12.06.2014 16:01

Ársfundargerð 2014

27.01.2014 12:39

Ávöxtun 2013

31.10.2013 12:07

Ný lög um neytendalán

14.05.2013 11:57

Ársfundargerð 2013

Til baka