Hvað er til ráða?
Vegna efnahagsástandsins og lágs gengis íslensku krónunnar býður Frjálsi ýmsar leiðir til að lækka greiðslubyrði erlendra jafnt sem íslenskra fasteignalána.
Lán í erlendri mynt
Greiðsluskjól 3+1
Viðskiptavinum Frjálsa fjárfestingarbankans stendur til boða 26% lækkun höfuðstóls að meðaltali þegar láni er skuldbreytt í íslenskar krónur. Lækkunin tekur mið af myntsamsetningu og lengd lánasamnings. Við skuldbreytinguna verður lánið að íslensku verðtryggðu láni, 25 eða 40 ára, með föstum 3,95% vöxtum í þrjú ár og möguleika á lengingu um eitt ár fyrir skilvísa greiðendur. Eftir það verða fastir vextir lánsins 5,25%.
Jafnframt standa viðskiptavinum til boða fastir óverðtryggðir 6,00% vextir í þrjú ár með lengingu í eitt ár fyrir skilvísa greiðendur. Þeir vextir breytast síðan í millibankavexti (REIBOR) + 1,50% en viðskiptavinum er einnig frjálst að skipta yfir í fasta verðtryggða 5,25% vexti.
Greiðsluskjól 3+1 er í boði út árið 2010.
Greiðslujöfnun
Greiðslujöfnun fasteignaveðlána í erlendri mynt og bílalána er ekki sjálfvirk og sækja þarf um greiðslujöfnun á þeim lánum a.m.k. 15 dögum fyrir gjalddaga.
Við allar skilmálabreytingar erlendra lána bætist við eftirfarandi ákvæði:
Allt að 10 dögum fyrir hvern gjalddaga reiknar kröfuhafi næstu afborgun og vexti. Hver afborgun er reiknuð þannig að deilt er í höfuðstól hverrar myntar með þeim fjölda gjalddaga sem þá eru eftir, að meðtöldum þeim gjalddaga sem er í það sinn. Erlend upphæð á gjalddaga, afborgun og vextir, umreiknast yfir í íslenskar krónur m.v. sölugengi kröfuhafa á útreikningsdegi og ber skuldara að greiða af láninu með þeirri fjárhæð í íslenskum krónum miðað við gengi útreikningsdags.
Kostnaður er 10.000,- kr per lán, ef viðskiptavinur þarf að breyta fleiri en einu láni á sama tíma og er breytingin samskonar þá er 50% afsláttur.
Þinglýsingarkostnaður til sýslumanns er 2.000 kr.
Frysting
-
Greiðir ekkert í allt að 4 mánuði.
-
Vextir á tímabilinu bætast á höfuðstól lánsins og dreifast jafnt yfir lánstímann.
-
Einungis í boði fyrir einstaklinga sem uppfylla ákveðin skilyrði.
Verðtryggð lán
Sjálfkrafa greiðslujöfnun verðtryggra fasteignalána
Samkvæmt lögum um greiðslujöfnun fara verðtryggð fasteignaveðlán sem eru í skilum sjálfkrafa í greiðslujöfnun frá og með gjalddaga í desember nema lántaki sæki sérstaklega um að svo verði ekki. Bent skal á að þótt lán sé komið í greiðslujöfnun getur lántaki hvenær sem er sagt sig frá henni með tilkynningu sem þarf að berast í síðasta lagi 15 dögum fyrir næsta gjalddaga lánsins.
Þeir sem hafa sagt sig frá greiðslujöfnun en sjá síðar að þeir kunni að hafa hag af henni, t.d. vegna breyttra aðstæðna geta sótt um að fá greiðslujöfnun.
-
Framkvæmt skv. lögum um greiðslujöfnun fasteignalána.
-
Greiðslur miðast við svokallaða greiðslujöfnunarvísitölu.
-
Frjálsi tekur ekkert fyrir þessa þjónustu en viðskiptavinur þarf að greiða 2.000 kr í þinglýsingar-gjöld til ríkisins.
Greiðslujöfnun bílalána
Greiðslujöfnun með lengingu allt að þremur árum. Upphæð fyrsta gjalddaga verður eins og hann var í maí 2008. Fjárhæð gjalddaga tekur síðan breytingum eftir þróun greiðslujöfnunarvísitölu sem tekur mið af launaþróun og atvinnustigi. Höfuðstóll tekur mið af vísitölu neysluverðs vegna lána í íslenskum krónum eða gengisþróun vegna lána í erlendri mynt.
Standi enn eitthvað eftir af skuldinni við lok samningstímans getur lántaki gert upp eftirstöðvarnar og eignast bifreiðina eða skilað henni inn til Frjálsa fjárfestingarbankans án frekari kvaða (sjá nánar í skilmálum).
Lánið þarf að vera í fullum skilum og óska þarf eftir greiðslujöfnun a.m.k. 15 dögum fyrir gjalddaga svo að greiðslujöfnun láns öðlist gildi.
Smelltu á hnappinn hér fyrir neðan til að panta viðtal við ráðgjafa.
Yfirlýsing slitastjórnar Frjálsa fjárfestingarbankans um réttindi lántaka til að óska eftir öðrum úrræðum síðar.
Slitastjórn Frjálsa fjárfestingarbankans lýsir því yfir að þeir viðskiptavinir bankans sem undirrita skilmálabreytingar húsnæðislána, t.d. vegna greiðslujöfnunar og frystingar, fyrirgeri ekki réttindum sínum til að óska eftir öðrum úrræðum síðar, þ.e. þeim sem bjóðast í framtíðinni, enda uppfylli þeir skilyrði fyrir nýtingu úrræðanna. Sama gildir um önnur réttindi sem neytendur kunna að njóta samkvæmt lögum.